Changkang in ti- MIZO hnam

'Sem sem dam dam, ei bil thi2' tih changvawn chungin mizo hnam chu dinchhoh ani a. Tlawmgaihna in ro a rel a, dikna leh felna a par vul thin. Hausate an inphahniam a, chhuanchhamte an inkhai ding tawn thin ani. Tunlai angin inropui tak2 te la ding ve lovin khawthleng remlo fe2 a chengte la ni ve hlawm mahsela an inlungrualna chuan khaw nuam tak a chan thova. Kawtlaiah puan an pho ngama, thingfakin in an kalh ngam thin ani. 'ZU' in buaina a chawchhuak ve ngai lova. Sual tinreng bulah zu an hmang ve ngai lova induhsaknan te an inhlan theuh zawk thin ani. Khawtlang nun hrim2 kha a thianghlim viauva. Sirtiang sawnin lungrual takin an leng za thin ani.

Chu sem2 dam2 stage chu kan pel chho ta. Kum zabi 21 na kan chuangkai chhova. Rokunga 'Dikna a fam ta, felna a tlawm ta' stage kan kai chho ta. He chhuan 2 chhuan 3 lek chhunga Mizo hnam than chhoh dan en hian thil fello chu a awm ciang ani. Khawvel hnam changkang ber2 te umin a thlawhin kan thlawk a. Kan umphakna anih dawn phawt chuan kan hnam nunzia chhawmnun zel tlak tak2 te pawh kan peih thla hreh ta lova. Hnam changkang te tihdan en tawnin sual tinreng kan chaw lut a. Kan lo fing ta viau va zu thatloh theihna te kan hrechiang tulh2 a, pawihkhawih lo leh pi pute tana sualna bul ni ve ngai miah lo zu cu 'sual tinreng bul' ah kn chantir ta a.Ruihtheih thilte cuan Mizo hnam chu khawngaihna tel miah lovin a rawn nghaisa a. Kan inrin hman hma leh nei tura kan la inpeih fel hma in changkanna cu kan duh tlat sia a. Chu changkanna ang a kan hriat te chu duh aia tam kan neih tak avangin a do a do let hial a ngai ta si a nih hi. Kan pi pute kha lo tho leh se engtin tk ngai ve ang mw!

'Pawngsual' tih chu chanchinbu mawitu ani tawh a. Kan YMA leh sawrkar lam ten zu tam tham tak an man renga, chu2 hnathawk tha a an inhriatna pawh ani. Drug addict leh zurui ten zah an hre tawh lova, a awmzia hre tur pawhin an harhfim ngai hek lo. Dan khatna a innei te lahin thla kim lovin nau an piantir reng bawk a. Kan inchei duhdan te en in langlo tura thuhruk reng a awm thei dawn ta lo. Nula ten lai lang kawr an hak chuan in rin tawkna an ngahsawt tawh a. Tlangvalte lahin mawngkaw lang dawn2 kekawr maksak pui2 hak an hreh ta lo. Eng tihna maha hman tlak loh chawn puar lian pui2 kan tlangval te cu an nu leh pate thawhchhuah a lei bike ah chak tak2 in an tlan a, an hnungah inti thei takin pawl sawm pawh pass theilo Mizo nula chu a hawi kual valh2 bawk a. He Mizo Christian hnam ah hian Nawhchizawrh cu eizawn nana hman tlak tak te zinga telh ve a ngai hial tawh a. Ruihtheih thil zuar ringawt pawh vuakhlum sen loh teh meuh zu han awm tawh a. Kan Pathian ropui thinurna berhbu kan tawngbua ang tih ava hlauhawm em. Thalaiten 'Tar muhil theilo' kan tih tuk tina zing tawngtai inkhawm a kal kan nu leh pa te tawngtaina avang liau2 a Mizo hnam hi la nung ve che2 anih reng tuman kan hre lo.

Ani, hmanlai kha chuan 'Dam leh tlang khatah thih leh ruam khatah' an ti ngai a. Tunah zawng 'Sual leh tlang khatah, sual leh ruam khatah' kan ti ta. Thil thalo lamah hi chuan kan inlungrual viau zel a nih hi maw. Intluktlanna reng a awm ta lova. A hausa an thau tulh2 a, a rethei an cher tulh2 mai zawng anih hi. Mi hausate thlam ropui tak2 ringawt pawh chu miretheitena lalin an suangtuah phak vel awma mawi anih laiin, an vawk chaw chhumna in pawh tiah lovah thenkhatin mutmu an bel ve a. A tuk chaw chhum tur neia lungawi mai an awm laiin mahni hmasialna leh changkanna umna avangin retheite chanai hial chhuh hrehlo an awm ta zel mai le. Heng te hi lei danin hmuh hmaih lui thin mahsela, a ruka engkim hmutu A khian a chhinchhiah ve ngein ka ring thin.

Hmanah cuan chawhmeh te insuahin a thlum a al an ei za thin. Hawpkhawp thar phang pahmei leh hmeithai te kha an dawm thin ani ngai a. Sirtiang sawnin, lawm rual an nuiza thn. Titi a rual khaiin thenawmte an inzahthiam em2 a. Chhiat thatah Mizo nih a hrehawm ngailo. Tunah zawng 'tv' hmai nei hlai apiang an rilru a zim ta tih mai tur ani. Kan insak te enin insi rialin an ding a, a chhung a chengte rilru erawh a inper san hle thung si. Thenawmte tel lova kan nun theih tak vang nge khaw7 kan hneh theih tak vag zawk ni, thenawmte do pawh kan hreh ta lo a nih hi. Tlawmngaihna in hmun a chang ta lo. Dikna leh felna in min thlohbo san ta. Aia upa zahna cu changkanna in a ken tel loh vang nge kan thlauhthla ngam ta tlat mai. Keini sa rep heh hnam, mahni leh mahni changkang inti, hnam dangten hnung lama min nuih ruk tet2 Mizo hnam hian engtia rei nge kan la daih ve dawn le......